In sardu

“Coufitzialidade cun s’italianu, insinnamentu iscolàsticu, Lsc, una lege pro su bilinguismu”: lìtera aberta a Frantziscu Pìgliaru


A Prof. Frantziscu Pìgliaru

Frantziscu Istimadu,

allegrende-nos pro s’inditu Tuo che a ghiadore de s’assòtziu de Tzentru-Manca pro su guvernu de sa Sardigna e torrende-Ti gràtzias pro t’àere pigadu s’incàrrigu turmentosu de Ti impignare pro nde fàghere essire s’Ìsula nostra dae s’abbratzu de sa crisi chi dd’istringhet, Ti diamus bòlere sinnalare giai dae immoe su bisòngiu chi su programma de guvernu pro is chimbe annos chi benint chi semus acanta de presentare a is Sardos mustret s’atentu chi si depet a is chistiones lato sensu identitàrias e, a manera particulare, a is chi pertocant su promovimentu e s’avaloramentu de sa limba sarda (e de is variedades alloglotas presentes in Sardigna).

Dae su 18 de abrile de su 2006 – cando sa Giunta regionale chi nde faghias parte fintzas Tue at adotadu cun mèritu mannu sa Limba Sarda Comuna (L.S.C. – Normas linguìsticas de riferimentu a caràtere isperimentale pro sa limba iscrita de s’Amministratzione regionale) – a oe, si sunt fatas cosas meda pro s’afortiamentu de sa limba istòricu-identitària nostra, fintzas gràtzias a polìticas linguìsticas abbistas promòvidas dae su Servìtziu Limba e Cultura Sarda de sa R.A.S., in sa carrera de su cuadru giurìdicu-normativu europeu, istatale e regionale.

Ma sa punna de istabilèssere in s’Ìsula nostra s’echilìbriu funtzionale isperadu intre limba sarda e limba italiana est ancora a tesu. Tocat a sighire cun firmesa s’àndala cumentzada in custos ùrtimos annos.

Pro custu, pensamus chi siat pretzisu a Ti sinnalare unas cantas chistiones chi – a parre nostru – diant dèpere piessignare su programma de guvernu Tuo/nostru in contu de sa polìtica linguìstica:

a) su megioru e sa difusione de s’istandard L.S.C. pro is impreos iscritos de su sardu;

b) s’impreu cuncretu de sa limba sarda in s’iscola comente a aina veiculare de s’imparu, dende aici aplicu prenu a s’art. 4 de sa L. 482/1999 paris cun s’art. 9, comma 10, lìtera b), de sa Lege regionale 3/2009;

c) sa previsione, iscriende s’Istatutu nou de autonomia de sa Regione Autònoma de Sardigna, de sa co-ufitzialidade prena in su territòriu regionale intre limba sarda e limba italiana;

d) s’aprovu dae parte de su Consìgiu regionale de Sardigna de una lege ispetzìfica in contu de sa limba sarda (e in contu de is variedades alloglotas presentes in s’Ìsula), chi inditet sa bia pro lòmpere in su territòriu isulanu a una forma de bilinguismu reale e agiomai echilibradu intre sardu e italianu;

e) sa garantzia, in su bilàntziu regionale, de finantziamentos bastantes pro is polìticas linguìsticas in Sardigna, a su mancus aguales a cussos de is ùrtimos annos.

Frantziscu, sa Sardigna tenet s’apretu de mudare su passu! Is Sardos tenent su deretu de si nde torrare a pònnere meres de sa limba istòricu-identitària issoro, pro tempus meda negada dae polìticas tzentralìsticas luscas! E custas chistiones non depent e non podent èssere lassadas a sa galàssia de partidos de s’àrea indipendentista/natzionalista/sovranista ebbia, ne prus pagu ancoras a cussos de s’assòtziu aversàriu de Tzentru-Dereta (chi mustrat fintzas unu tzertu interessu a sa cosa!).

Dende-Ti giai dae immoe sa disponibilidade nostra a traballare a manos de pare cun Tegus pro iscrìere su programma, Ti saludamus e Ti/nos auguramus bonasorte manna.

Aristanis, 6 de ghennàrgiu de su 2014

 

Antonio Ignazio Garau, Direzione provinciale PD Oristano, Circolo PD Villaurbana, dirigente del Movimento Linguistico Sardo

Mariantonietta Piga, Circolo PD Nuoro, dirigente del Movimento Linguistico Sardo

Giovanna Tuffu, Assemblea provinciale PD Sassari, Circolo P.D. Sassari, dirigente del Movimento Linguistico Sardo

Roberto Deriu, Presidente Provincia di Nuoro, Direzione regionale PD

Alba Canu, Assemblea regionale PD, Gruppo PD Consiglio provinciale di Sassari

Paolo Bussu, Gruppo PD Consiglio provinciale di Sassari

Gian Nicola Cabizza, Gruppo PD Consiglio provinciale di Sassari

Giovanni Serra, Gruppo PD Consiglio provinciale di Sassari

Gianfranco Strinna, Gruppo PD Consiglio provinciale di Sassari

Antonio Tanca, Gruppo PD Consiglio provinciale di Sassari

Giampaolo Mameli, Gruppo P.D. Consiglio comunale Sassari, Segretario Circolo P.D. Sassari

Franco Sanna, Gruppo P.D. Consiglio provinciale di Sassari

Mario Pala, Gruppo P.D. Consiglio provinciale di Sassari

Bruno Farina, gruppo PD Consiglio comunale Ozieri

Marco Murgia, gruppo PD Consiglio comunale Cagliari

Mario Tendas, Capogruppo PD Consiglio provinciale di Oristano, Vicesindaco Comune di Solarussa

Mariantonietta Canu, circolo PD Ozieri e gruppo PD Comune di Ozieri

Maurizio Bonetti, circolo Copernico  PD di Cagliari

 

Tags: , , , , , , , , , , , , , , , , , , , , , , ,

One Comment

  1. casumarzu says:

    eja!

Lascia un commento

Questo sito usa Akismet per ridurre lo spam. Scopri come i tuoi dati vengono elaborati.