In sardu

Su 23 de cabudanni in Lanusei mobilitatzione contra sos militares e industriales de gherra

Quirra_poligono

Domìniga 24 de Austu de su 2014 in sa sede de s’assòtziu de sa “Carovana Sarda della pace”, carrera Ogiastra n. 43 in Casteddu, sos assòtzios, sos partidos, sos comitados e sos tzitadinos lìbberos, presentes in meda, preguntant a totu sos tzitadinos sardos, a sa sola o in organizatziones divessas, de leare parte a sa mobilitatzione indita e prevèdida su 23 de cabudanni 2014 in Lanusei a ora de sas 9:30, cara a su Tribunale, pro sa prima udièntzia de su protzessu pro disauras ambientales a càrrigu de sos cumandantes chi in sos annos sunt istados a capu de su “Poligono Interforze Salto di Quirra” (PISQ).

Cramamus duncas totu sos sardos a si declarare contra a s’impreu de sa Sardigna pro cajones militares e industriales de gherra, istràngios a sos interessos de su pòpulu sardu, mescamente si sunt finas destinados a impreos chi non podent èssere aztetados in virtude de finalidades pro fainas de guerra fatas in terra nostra.

Una positzione chi a dies de oe devet èssere prus forte bidu totu sos massacros de tziviles innotzentes de sos cales semus testimòngios.

Amus a dimandare, finas, unu sit in e unu addòbiu ufitziale cun su Presidente de su Cunsìgiu Regionale de sa Sardigna pro chi totu sos cunsigeris s ‘ant a dèvere costituire partes tzìviles pro giùghere, finamentra, in sede protzessuale sa contrariedade in su totu de sos sardos a sa presèntzia de sos Poligonos Militares in sa Terra Nostra.

Retza PesaSardigna

Lascia un commento

Follow

Get every new post delivered to your Inbox

Join other followers: