In sardu

In Olanda bancas natzionalizadas! Su fallimentu de su neo-libberalismu o su triunfu de s’egoismu?

 

 de Robbertu Bolognesi

Ariseru su guvernu olandesu at natzionalizau sa SNS Bank.  Sa SNS est sa de cuatru bancas prus mannas de s’Olanda e est nascia in su 1800 che banca de su sindacau.

In su 2006, un’annu innantis de incumentzai de sa crisi finantziaria, ant collocau sa banca in sa Borsa e ant arregortu unu sciascíu de dinai: fiant is annus de s’euforía. Un’atzioni de sa SNS intzandus costát 17 euro.

Sa SNS s’est furriada a banca de inbistimentus e at incumentzau a imbistiri in domus e atras infrastuturas turisticas, prus che a totu in Spannia.

De candu est incumentzada sa crisi, sa banca at perdiu 2 milliardus e est esposta po 9,8 milliardus. Un’atzioni de sa SNS oi-in-di balit 60 centesimus de euro.

Ariseru su guvernu at espropriau sa SNS po dda sarvai e s’operatzioni est costada 3,7 milliardus de euro. E custa est sa de duas bancas chi su guvernu at depiu natzionalizai. S’ABN-AMRO dd’ant natzionalizada a s’incumentzu de sa crisi.

Is Olandesus funt arrinegaus meda. Iant atzetau de mala gana totu is sacrifitzius impostus de custu guvernu, chi nd’at torrau su stadu sociali a casi nudda, e immoi ant a depi segai de su bilanciu de prus puru de is 18 milliardus programmaus.

Un’amigu at scritu in Facebook: “Custu est su fallimentu de su neo-liberalismu. Custa genti bolit sminguai s’interventu de su stadu fintzas a casi nudda, ma candu falliscint bolint su dinai pubblicu po si sarvai”.

Ah, ddoi est puru ca s’amminstradori nou de sa SNS s’at a pigai 550 millionis de stipendiu. Su presidenti de su consillu, Rutte, ariseru at nau ca a parri suu cussu stipendiu non est esagerau: est su chi prevedit su mercau. Rutte est libberali, ma guvernat cun una coalitzioni cun su partidu laburista puru.

S’amigu miu tenit tortu. Custu non est su fallimentu de su neo-libberalismu. Ita ideología est su neo-libberalismu? Ponendi-dda in manera simpri meda, su neo-libberalsmu non est nudda prus de nai ca s’egoismu est una cosa bona e sana.

Fallíus funti s amministradoris de sa SNS o de sa ABN-AMRO? No! Mancu unu soddu de busciaca nci ant postu. Is bancas fiant de is atzionistas, miga de issus! Issus, in custus annus, si nd’ant pigau millionis de stipendius e premius e si ddus aguantant. Nisciunus ddis podit circai nudda. E is libberalis ant binciu totu de is duas eletzionis chi ant fatu de s’incumentzu de sa crisi.

Is eletoris olandesus ant postu a ddus guvernai propriu is chi sa crisi dd’ant provocada cun s’ideología issoru e cun s’acotzu chi ant donau totu is speculatzionis fatas in nomini de su MERCAU.

Ma ita fallimentu de su neo-liberalismu?! Custu est su triunfu de s’egoismu de una grefa de bandidus postus de colletu biancu a pitzus de sa massa scimpra de sa genti.

Fintzas a immoi ant tentu arrexoni issus.

 

http://bolognesu.wordpress.com/

Tags: , , ,

22 Comments

  1. avessi tempo da dedicare allo studio delle lingue non lo utilizzerei per il sardo.
    Sorry.

  2. Su decretu de espròpiu (in inglesu) est inoghe:

    http://www.investireoggi.it/forum/attachments/obbligazioni-bond-e-titoli-di-stato/212869d1359805443-sns-reaal-ricorso-contro-lo-stato-olandese-decree-minister-finance-regarding-expropriation-securities-capital-componen.pdf

    “Article 1
    1. The following securities, issued by or with the cooperation of the public limited company
    (naamloze vennootschap) SNS REAAL N.V. or, respectively, the public limited company SNS Bank N.V., both having registered offices at Utrecht, shall be expropriated for the benefit of the State of the Netherlands: […]”

    Est de interessu fintzas sa litera a su parlamentu olandesu:

    http://www.investireoggi.it/forum/attachments/obbligazioni-bond-e-titoli-di-stato/212870d1359805501-sns-reaal-ricorso-contro-lo-stato-olandese-letter-parliament-concerning-nationalisation-sns-reaal.pdf

    Ue si acrarant sos printzìpios chi ant ghiadu sa faina:

    “3. Nature of the intervention
    […]
    An intervention such as the one under discussion has to meet the following general
    principles:
    * The intervention must safeguard financial stability;
    * The guarantee must offer a structural solution;
    * The burden of the intervention must be borne as much as possible by the
    private sector;
    * Losses must be borne as much as possible by the current financiers;
    * Financial consequences of the intervention to the State must be kept to a
    minimum;
    * The intervention must be proportionate.”

    Como cunfrontadelu cun sa faina de su Monte dei Paschi, ue, a dinco si resessit a cumprèndere ite s’est faghende (e no est simpre in nudda), resurtat chi lis semus donende dinari pùblicu sena iscadèntzia a lu torrare.

  3. Unu intellettuali ca mi piaghede meda, adi nau ca sa ghente, inoe in Italia, commo, no este scimpra. Sa gente discìa tottu e no adi fattu nudda. Custu modu e fai d’adi muttiu “MM” (“mafia mentale”, mafia de conca). Fudi allegandu de MPS.
    Poneusu ca peri inoe boleusu natzionalizzare MPS. Non si podede fari. Poitte commo MPS non tenede mancu unu euro. Tenede solu deppidusu. Tenede 6 milionese de correntistasa. Poneusu ca dogn’unu tenede binti mila euroso in banca? Funti binti mila euroso de deppidusu pò dogn’unu. Fainti centu binti milliardoso de euroso. S’Italia non tenede tottu custu dinai. E tandu commente faeusu?
    Prima toccada a torrai in segusu tottu su dinai ca si funti furausu. Toccada a circai sa gente responsabile senza tennere arrespettu. Poitte custa esti ghente ca non meritada arrespettu.
    Custusu funti ladronese.
    Torranta a dommu e naranta a su figiu “Pappa petza! Cà su pani este comporau!”
    Candu su dinai este torrau si podede natzionalizzare a MPS. Aicci si podede peri pigari dinai de sa Banca Centrale cun pagusu interessese (1,8%). Si podede fari prestitusu a sa impresa pitticca e media; si podente fari medas cosasa cà servinti po fari torrari sa ghente a bivviri in saludi e serena.

    Non mi soe mai intendiu aicci straccu pò ari scrittu calincuna cosa…

    • Femu arrexonendindi innoi in domu immoi-immoi. Seu de acordiu cun tui ca sa “genti” non est innotzenti, ma sigu a nai ca est scimpra. Immoi a donnia Olandesu–ma a mei puru–ddi tocat a pagai prus de 200 euro po su casinu chi at cumbinau unu calloni acotzau de sa curtura neo-libberali. Si fessit de mei, deu emu a fai pagai sceti a is chi ant votau libberali! 🙂

    • @Ale Sestu ses isballende sos contos, su valore de mercadu de una banca no est su dinari chi bi ponent so currentistas.

  4. Bruno Ghiglieri says:

    Caro Bolognesi, sottoscrivo tutto, virgole comprese. Chissà che un giorno non riusciremo a nazionalizzare anche il Teatro Lirico 😉

  5. PauluS says:

    Sono sardo ma non capisco il sardo, non si può mettere il testo anche in italiano? Sennò mi è impossibile accedere al contenuto.

    • No, non si può. Questa è una rubrica solo in sardo e i contenuti sono solo in sardo senza nessuna traduzione. Il motivo? Spingere chi non conosce il sardo ad imparlarlo. 🙂

      • Al.Mongili says:

        Dear Paulus, many people in Sardinia don’t understand very well Italian, specially the bureaucratic Italian used in public bodies communications, and also the newspapers language. A lot of people in Sardinia didn’t understand Italian, up to twenty years ago. Nobody expressed their need to see texts, and other kind of speeches widespread in public space, written also in their language, Sardinian or, in L’Alguer/S’Alighera, in Catalan, or also, in Northern Sardinia, Corsican. Nobody among people like you defensed their right to linguistic equality. Sure, their were “ignorant people”, “poor people”, “grezzi”. Please respect the right of other people to write and to speak their language, without feeling yourself deprived.

  6. Traduzione per i diversamente sardi? 🙂

  7. Bellu! Claru, iscrittu bei!

  8. su prexu est su prexu e su prestitu de su gregu “euforía” est una cosa chi s’allacanat a su machimini, comenti eus biu…

  9. Io lo dico da tempo. L’unica via d’uscita per la crisi sarà nazionalizzare le banche e socializzarne i profitti. Non esistono altre vie possibili e razionali.

  10. ittadinanta says:

    Bellu meda..pero euforia non si poidi intendi..prexiu?

Lascia un commento

Questo sito usa Akismet per ridurre lo spam. Scopri come i tuoi dati vengono elaborati.